Siglir tar il cuntegn
Inhalt

Exteriur 16 morts tar la crudada d'in ballun

Tar la crudada d'in ballun ad aria chauda en il stadi american Texas èn 16 persunas mortas. Quai rapportan medias americanas e sa basan sin las infurmaziuns da la polizia e l'autoritad statala. Tenor lezs ha il ballun piglià fieu ed è crudà giu sin la champagna.

champagna cun pilasters d'auta tensiun, plirs autos da polizia
Legenda: Ils investigaders al lieu da disgrazia a Lockhart sut ina lingia d'auta tensiun. Keystone

Anc na datti naginas indicaziuns uffizialas davart il motiv da la crudada.Il guvernatur da Texas, Greg Abbott, ha discurrì d'ina tragedia.

Igl è il pli grev accident cun ballun dapi il 2013. Lura èn 19 persunas mortas a Luxor en l'Egipta cura ch'in ballun è crudà giu.

RR novitads 21:00