Tar l'attentat hai dà sper ils 17 morts er 60 blessads. In attentader haja laschà explodir in camiun tar in post da controlla en il sid da la chapitala da l'Irac.
Entras la detunaziun dal camiun sin il post da controlla hajan er auters autos piglià fieu, uschia hai num ord circuls da la polizia. Tgi che ha fatg l'attatga n'è betg anc cler. Enfin uss n'è nagina organisaziun sa declerada responsabla per l'attentat. Attatgas sumegliantas en il passà aveva la miliza extremistica Stadi Islamic declerà d'esser responsabel.
