Siglir tar il cuntegn

Header

cuntegn

1942-2023 Wolfgang Schäuble è mort

L'anteriur president dal Bundestag – Wolfgang Schäuble è mort en la vegliadetgna da 81 onns. El saja sa durmentà mesemna saira a chasa en il ravugl da sia famiglia, sco quella communitgescha envers l'agentura da pressa tudestga. Schäuble tutgava dapi il 1972 tar il Bundestag.

En sia lunga carriera politica è el tranter auter stà minister da finanzas e da l'intern, sut il chancelier Helmut Kohl. Il 1990 ha Schäuble negozià il contract davart l'Unitad tudestga. Il medem onn hai dà in attentat sin el, dapi quel è el stà en sutga da rodas.

El è era stà schef da fracziun da la CDU/CSU e da 1998-2000 schef da la CDU. Tar la regenza d'Angela Merkel ha el gì ils posts da minister da l'intern sco era durant 8 onns minister da finanzas. 2017 è el vegnì elegì sco president dal Bundestag, il segund pli aut uffizi politic da la Germania.

Wolfgang Schäuble è stà maridà ed ha quatter uffants.

Wolfgang Schäuble
Legenda: 1942-2023 Keystone
audio
Per tadlar: curt e cumpact
ord RTR Audio dals 27.12.2023.
laschar ir. Durada: 57 Secundas.

RTR novitads 11:00

Artitgels legids il pli savens