Pliras organisaziuns d’agid rapportan da bleras baras che sajan vegnidas a la riva. Tranter quellas era uffants pitschens. Tenor las Naziuns Unidas èn quest onn mortas dapli che 1'150 persunas tar l’emprova da traversar la Mar Mediterrana. Las bartgas, cun las qualas ch'ils umans provan da fugir, èn per gronda part surchargiadas.
181’000 persunas èn arrivadas cun bartga en l’Europa
L’onn passà èn bun 181’000 persunas arrivadas sur la Mar Mediterrana da l’Africa dal Nord en l’Italia. I vegn quintà che anc dapli persunas emprovan enfin la fin da l’onn 2017 da traversar la Mar Mediterrana en ina bartga che anc l'onn avant. Organisaziuns d'agid fan quint cun radund 30% dapli traversadas privlusas.
RR actualitad 18:00