2009-2015 – dronas americanas mazzan 116 civilists

Quai resorta d'in rapport da la regenza Obama ch’era vegnì spetgà daditg. Las almain 116 persunas civilas èn vegnidas mazzadas tar attatgas cun dronas ch’èn succedidas dador las regiuns da crisa en l'Afghanistan, l'Irac e la Siria.

In segn da yin e yan cun ina drona ed ina columba da pasch. davantvart chmaina sperasvi ina dunna en burka. Bild in Lightbox öffnen.

Legenda da maletgs: In graffiti da protesta cunter dronas americanas en il Jemen. Keystone

Il rapport american sa referescha sin ils onns 2009 fin il 2015. Tar las 473 attatgas en ils pajais Pakistan, Jemen, Somalia u Libia èn vegnids mazzads radund 2'500 cumbattants. Quasi tut las attatgas èn vegnidas fatgas cun dronas.

Fertant ch’il rapport american discurra d'almain 116 persunas civilas mortas stiman organisaziuns nunguvernamentalas il dumber da civilists mazzads bler pli aut.

RR novitads 06:00