- Suenter l’attatga cun tissi da la gnerva sin ils dus russ han 21 persunas stuì vegnir tractadas medicinalmain.
- Sergej Skripal e sia figlia cumbattan en l’ospital a Londra per surviver.
- La publicitad pretenda ch’il cas vegnia sclerì.
Sergej Skripal e sia figlia eran vegnids chattads la fin d'emna a Salisbury en Gronda Britannia cun sintoms d'ina tissientada. Dapi lura cumbattan els en l'ospital per surviver. Persunas ch'èn lura vegnidas en agid han uss per part stuì vegnir tractadas medicinalmain. Tranter quellas persunas èn era policist, uschia ha communitgà la polizia.
Il cas ha entant effectuà ina dispita diplomatica tranter Moscau e Londra. La Russia renfatscha a la Gronda Britannia da far ina campagna ostila encunter il pajais.
La publicitad pretenda ch'il cas vegni sclerì
Aunc uss n'èsi betg cler tgi ch'è responsabel per l'attatga da tissi. Uschia vegn er la regenza britannica sut squitsch. I dat speculaziuns ch'i sa tractia d'ina attatga organisada da Moscau. Enfin uss mancan dentant ils indizis tgi ch'è culpant.
RR novitads 08:30