Siglir tar il cuntegn

Header

Il reschissur Alejandro Inarritu (sanester) e l'actur Leonardo DiCaprio.
Legenda: Il reschissur Alejandro Inarritu (sanester) cun ses actur Leonardo DiCaprio. Reuters
cuntegn

Exteriur 3 Golden Globes per «The Revenant»

Il film «The Revenant» è il grond victur a la premiaziun Golden Globe a Beverly Hills.

Il film gudogna il Golden Globe sco meglier drama, l'actur principal Leonardo DiCaprio ha survegnì il Golden Globe sco meglier actur, ed il reschissur il Mexican Alejandro Inarritu il Golden Globe per la meglra reschia.

In'istorgia or dal cosmos

Dus premis Golden Globe gudogna la cumedia «Der Marsianer – Rettet Mark Watney», in’istorgia d’astronauts dal reschissur Ridley Scott. In Golden Globe survegn il film per esser la meglra cumedia, in segund survegn Matt Damon sco meglier actur en ina cumedia.

Premis era per Stallone e Lady Gaga

Sco meglra actura en in drama è vegnìda premiada Brie Larsson en il film «Room». L'actur Sylvester Stallone ha gudagnà si'emprima trofa da Golden Globe. El è vegnì onurà sco meglier actur secundar. Sco meglra actura secundara è vegnida onurada Kate Winslet. In premi datti era per la chantadura Lady Gaga, quai per sia rolla ella pitschna seria da televisiun «American Horror Story: Hotel».

Golden Globes dapi il 1944

La show dals Goldens Globes ha gì lieu per la 73avla giada. Sco giuria agescha ina gruppa da schurnalists internaziunals che lavuran a Hollywood. La premiaziun vala sco la pli impurtanta suenter ils Oscars.

RR Novitads 06:00

Artitgels legids il pli savens

Scrollar a sanestra Scrollar a dretga