Siglir tar il cuntegn

Header

Manuel Valls, il primminister franzos declera che la Frantscha na vul betg dapli fugitivs
Legenda: Manuel Valls, il primminister franzos declera che la Frantscha na vul betg dapli fugitivs Keystone
cuntegn

Exteriur «30'000 fugitivs tanschan» di Manuel Valls

La proposta da reparter fugitivs sin tut ils pajais da l'UE frunta sin opposiziun en Frantscha. Il primminister franzos Manuel Valls ha ditg che ses pajais na saja betg pront da prender si anc dapli fugitivs.

Paucs dis avant l'inscunter suprem da l'UE è Manuel Valls s'exprimì cunter ils plans dad Angela Merkel da reparter pli guliv ils fugitivs en l'Uniun europeica. La Frantscha restia tar sia decleraziun da betg prender si dapli che 30'000 fugitivs. Sia regenza saja cunter in sistem durabel per reparter fugitivs.

Tractà gia l'onn passà dumondas da 80'000 fugitivs

La Frantscha haja gia registrà l’onn passà 80'000 dumondas d'asil. Plinavant saja la Frantscha confruntada cun ina radicalisaziun da giuvens migrants. Il pajais haja er da sbatter cun ina gronda dischoccupaziun.

Er la Pologna e l'Ungaria sa dostan cunter talas quotas. Intgins pajais vulan schizunt gidar la Macedonia da barricadar ils cunfins.

L'inscunter suprem dals pajais da l'UE è gievgia e venderdi a Brüssel.

RR novitads 18:00

Artitgels legids il pli savens

Scrollar a sanestra Scrollar a dretga