Siglir tar il cuntegn

Exteriur 33 blessads tar urizi al festival «Rock am Ring»

Tar in ferm urizi al festival a Mendig en la Germania èn numerus visitaders vegnids blessads entras chamegiadas.

il chantadur campino sin tribuna avant millis fans
Legenda: Anc senza urizis ha il chantadur Campino da la band tudestg «Die Toten Hosen» performà avant millis fans - suenter è il festival vegnì serrà. Keystone

La polizia ha rapportà da 33 persunas blessadas. Ellas sajan vegnidas transportadas en ils ospitals en la vischinanza. Tenor il servetsch medicinal dal festival sajan entant tuts puspè en gamba ed hajan pudì bandunar l'ospital.

Ils chametgs hajan dà en en plirs lieus. Pervi da la malaura è in concert vegnì spustà e pli tard rut giu. Ils organisaturs avevan avertì sin facebook da la malaura. Entant communitgeschan ils responsabels ch'il festival vegnia a continuar fin dumengia - sco planisà.

RR novitads 14:00