Exteriur - 4 umens sentenziads a la mort en l’Afganistan
Ina dretgira afgana ha sentenzià 4 umens a la mort perquai ch'els han commess in mazzament da lynch cun ina dunna a Kabul. Ils sentenziads duain vegnir pendids.
8 ulteriurs accusads èn vegnids sentenziads a mintgamai 16 onns praschun e 18 èn vegnids declerads innocents.
Il mars passà aveva ina fulla da glieud a Kabul bastunà la dunna da 27 onns a la mort. Silsuenter era sia bara vegnida brischada e bittada en il flum. La fulla aveva renfatschà ad ella d'avair brischà il coran.
