Siglir tar il cuntegn

Header

Collavuraturs da la Crusch Cotschna e da la Mesaglina cotschna siriana a Madaja durant l'arrivada dal convoi.
Legenda: Collavuraturs da la Crusch Cotschna e da la Mesaglina cotschna siriana a Madaja durant l'arrivada dal convoi. Keystone
cuntegn

Exteriur 400 persunas en privel da murir da fom a Madaja

Suenter ch’in emprim convoi d’agid ha cuntanschì glindesdi la citad siriana Madaja, duajan 400 persunas ch’èn periclitadas da murir da la fom vegnir evacuadas uschè spert sco pussibel.

Tenor infurmaziuns da diplomats da las Naziuns Unidas sajan las persunas numnadas bunamain mortas e basegnian immediat agid medicinal. Il convoi da glindesdi è arrivà a Madaja cun 330 tonnas mangiativas e medicaments. Tenor rapports duain questas furniziuns tanscher per proveder fin 40'000 persunas durant 40 dis.

Il convoi da camiuns dal Comité internaziunal da la Crusch Cotschna sin via tranter Damascus e Madaja.
Legenda: Il convoi da camiuns dal Comité internaziunal da la Crusch Cotschna sin via tranter Damascus e Madaja. Keystone

28 morts pervi da fom dapi il december

Ils collavuraturs che sajan arrivads en la citad cun il convoi d’agid hajan constatà il basegn da las persunas enserradas en la citad. Percunter ha ditg l'ambassadur sirian da l'ONU ch'i na dettia nagina fom tranter las persunas enserradas; quests rapports sajan «inventads».

Dapi radund in mez onn è la citad da Madaja bloccada da las truppas da la regenza siriana e da truppas da la milissa Hisbollah. Sco l'organisaziun «Medis senza cunfis» rapporta, èn dapi il december passà mortas almain 28 persunas pervi da fom.

RR novitads 06:00

Artitgels legids il pli savens

Scrollar a sanestra Scrollar a dretga