Siglir tar il cuntegn
Inhalt

Exteriur 42 morts entras collisiun frontala

Tar in accident da traffic en la Frantscha dal Sidvest èn 42 persunas mortas. In bus è collidà frontalmain cun in camiun. Las unfrendas èn per la gronda part persunas pli attempadas.

Tranter las unfrendas da la collisiun frontala d'in bus cun in camiun saja era il manischunz dal camiun, uschia annunzian ils pumpiers. Il manischunz dal bus haja survivì, rapporta l'agentura da novitads SDA.

8 persunas hajan pudì mitschar dal bus ch’ha piglià fieu. 4 persunas èn blessadas grevamain, ha communitgà in pledader dal ministeri da l’intern. 2 persunas hajan fracturas da la chavazza, 2 persunas hajan grevas arsentadas. Ulteriuras 4 persunas sajan blessadas levamain. Tranter quellas sa chattia era il manischunz dal bus.

L'accident è succedì radund 40 km en l'ost da la citad da Bordeaux a Puisseguin.

RR novitads 10.00 / 12:00 / 14:00