Quest’acziun n’è betg stada planisada. Quai ha communitgà l’inspecturat franzos da la segirezza nucleara. Il reactur 2 da Fessenheim han ins gia prendì giud la rait mez zercladur. La raschun eran uriundamain controllas suenter ha la surveglianza atomara dentant retratg in certificat. Da tschentar giu dal tut l'ovra è gia dapi in temp en discussiun, dentant senza in termin concret.
Material betg producì bain
Motiv per las controllas èn irregularitads tar documents dal concern Areva che producescha parts per ovras atomaras. La surveglianza atomara tema ch'il material per producir vapur n'è betg uschè stabil sco quai ch'el stuess esser. Questas parts en impurtantas per frestgentar l'ovra.
En l'entira Frantscha ston ulteriurs set reacturs vegnir controllads, quels èn dentant gia giud la rait pervi da controllas planisadas.
RR novitads 09:00