Siglir tar il cuntegn

Header

cuntegn

Exteriur 560 turists èn bloccads sin in vulcan en l’Indonesia

Suenter il terratrembel sin l’insla da vacanzas Lombok bloccheschan bovas la via giu dal vulcan. 560 turists e guids sajan pertutgads, uschia il schef dal parc naziunal dal vulcan.

Curt e concis:

  • suenter il terratrembel sin l'insla Lombok èn bloccads passa 500 viandants sin il vulcan activ Mount Rinjani
  • bovas blocheschan las vias
  • il terratrembel ha gì ina fermezza da 6,4 sin la scala da Richter

Las autoritads preparan entant il salvament da fin 260 persunas ch’eran da viadi sin il vulcan Mount Rinjani. Tranter quellas èn er numerus turists, tranter auter da l’Ollanda e la Frantscha.

Tar il terratrembel sin l’insla vischina da Bali èn mortas almain 14 persunas. Pliras 1000 chasas èn vegnidas donnegiadas – bleras èn vegnidas destruidas cumplettamain.

Sin il ritg da fieu dal Pacific

L'Indonesia sa chatta sin il rintg da fieu en il Pacific, ina da las zonas geologicas las pli activas da la terra. Qua datti adina puspè terratrembels u vulcans che rumpan ora.

RR novitads 09:00

Artitgels legids il pli savens