Siglir tar il cuntegn

Exteriur 6’500 fugitivs arrivan en l’Austria

En l'Austria crescha il dumber dals fugitivs che vegnan da l'Ungaria cuntinuadamain. Radund 6'500 fugitivs ch'èn stads bloccads plirs dis en l'Ungaria han entant cuntanschì il cunfin cun l'Austria. Quai communitgescha la polizia austriaca.

fugitivs a la staziun da vienna
Legenda: Ils emprims fugitivs han entant cuntanschì la staziun da Vienna. Keystone

Tut en tut quinta il ministeri da l'intern austriac cun fin 10’000 fugitivs en il decurs dal di. Dal cunfin austriac vegnan els transportads vinavant cun trens spezials a Vienna, Salzburg e Minca. Il emprims 800 fugitivs hajan entant gia cuntanschì la staziun da Vienna

L'Ungaria aveva decis il venderdi saira da transportar ils fugitivs cun bus als cunfins austriacs. Sinaquai eran la Germania e l'Austria sa decleradas prontas da laschar entrar ils fugitivs.

RR novitads 11:00