En il Giapun datti adina dapli persunas ch'èn pli veglias che 100 onns. Per l'emprima giada ha il pajais dumbrà passa 60'000 persunas ch'han 100 onns u dapli, communitgescha il ministeri da sanadad.
Dapi 45 onns crescha quest dumber cuntinuadamain. Actualmain dumbra il «club dals tschientanris» 61'568 persunas, bunamain 3'000 dapli ch'avant in onn. 90% da las persunas sur 100 onns èn dunnas.
Ina da las raschuns ch'ils Giapunais vegnan uschè vegls è lur cuschina tradiziunala sanadaivla. En il Giapun vivan ils umans cun ina media da 85 onns il pli ditg da tuts.
