Exteriur - 60 ostagis deliberads ord ils mauns da Boko Haram
En la Nigeria èsi reussì a l'armada da liberar passa 60 ostagis ord ils mauns da la gruppa da terror Boko Haram. La gronda part sajan dunnas ed uffants communitgescha l'armada.
Cun sustegn d'aviuns da cumbat hajan schuldads destruì plirs champs dals islamists en il stadi da Borno en il nord-ost dal pajais.
Cumbattants da Boko Haram rapineschan regularmain dunnas ed uffants per malduvrar quels sco cumbattants, servients u sclavs da sex. Ils ultims mais ha l'armada pudì liberar pliras 100 dunnas ed uffants.
