Siglir tar il cuntegn

Header

Squagl
Legenda: Keystone
cuntegn

60 spezias Cites protegia squagls

A la conferenza mundiala davart las spezias hai dà in success pertutgant la protecziun dals squagls. 60 spezias da squagls èn da nov vegnidas messas sut protecziun internaziunala. Cun quai ha ina allianza da stadis enturn l’Uniun europeica ed il Panama sa fatg valair envers autras naziuns da pestga che vulevan be metter paucas spezias sut protecziun. Ils peschs predaturs vegnan chatschads pervi da lur nudaglias. Gia pliras spezias èn en privel da svanir.

Dapi l’entschatta da l’emna debatteschan ils 184 stadis che fan part da la cunvegna davart la protecziun da las spezias da Washington «Cites» en il Panama. La finamira è da reducir il commerzi internaziunal cun animals e plantas selvadias a tala moda che l’existenza da spezias periclitadas è garantida. La convenziun per proteger animals e plantas è vegnida signada avant var 50 onns. Ella regulescha u scumonda gia il commerzi internaziunal cun 38'000 spezias periclitadas.

audio
Per tadlar: las novitads da las 11:00
ord RTR Audio dals 19.11.2022.
laschar ir. Durada: 3 minutas 24 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga