65 milliuns stgatschads sin l'entir mund

Sulet l'onn passà è il dumber dals stgatschads s'augmentà da 60 milliuns sin 65 milliuns, ils pli blers èn fugids. Quai mussan las cifras dal Autcumissariat da las Naziuns Unidas per fugitivs UNHCR. Il mument saja mintga 113avla persuna sin il mund pertutgada directamain da conflicts sanguinus.

5 persunas tschentan ina tenda en l'Irac. Bild in Lightbox öffnen.

Legenda da maletgs: Gidanters da l'UNHCR tschentan si ina tenda ad Erbil / Irac. Keystone

Anc mai hai dà tantas dumondas d'asil sco l'onn 2015 ed anc mai sajan vegnids stgatschads tants carstgauns sco l'onn passà. Quai ha ditg l'autcumissari da l'ONU per ils fugitivs, Filippo Grandi. En vista al svilup global pretenda el ch'i saja da cumbatter l'aversiun cunter carstgauns stgatschads e da cumbatter ch'ils parlament mettan en via obstachels.

La mesadad dals fugitivs sajan sut 18 onns e blers sajan anc uffants che viageschian senza geniturs. Per il grond dumber da fugitivs sajan responsablas las guerras en la Siria, en il Sudan dals Sid, en il Jemen, il Burundi, l’Ucraina e la Republica Centralafricana.

RR novitads 09:00