Siglir tar il cuntegn

Header

um che protestescha mussond il coran
Legenda: En il num da l'Islam datti adina puspè protestas ed appells per il «Dschihad» - la guerra sontga (purtret simbolic). Keystone
cuntegn

Exteriur 7 dschihadists da la Svizra èn morts

12 persunas ch'èn viagiadas ord Svizra per s'alliar cun ils dschihadists èn probablamain mortas. Quai mussa ina survista ch'il servetsch secret da la Confederaziun ha publitgà sin l'internet. 7 dals mortoris èn confermads - 5 ulteriurs anc betg.

Tenor questa survista han 10 persunas entant bandunà ils dschihadists ed èn returnadas en Svizra. 5 dals returns èn confermads. Dals 5 auters na datti naginas infurmaziuns segiras.

Dapi il 2001 èn 66 persunas partidas da la Svizra per s'assoziar a gruppaziuns dschihadisticas. Ils pli blers (52) èn viagiads en la Siria ubain en l'Irac - ils ulteriurs èn ids en la Somalia, en l'Afganistan ed en il Pakistan.

Adina dapli viagiaturs da dschihad ord la Svizra

Ils ultims onns è creschì marcant il dumber da las persunas che van da la Svizra en l'exteriur per s'assoziar a gruppaziuns dschihadisticas.

  • 2001-2013: 20 persunas
  • 2013-2014: 40 persunas
  • 2014-2015: 66 persunas

RR novitads 11:00

Artitgels legids il pli savens

Scrollar a sanestra Scrollar a dretga