7 milliuns francs agid d'urgenza

La chadaina da fortuna ha rimnà il matg 31 milliuns francs per gidar las unfrendas dal terratrembel en il Nepal. Da questa summa èn 7 milliuns gia dads ora per agid d'urgenza ha ditg Ladina Heimgartner, la directura da RTR e presidenta da la Chadaina da fortuna.

duas dunnas en las ruinas d'ina chasa devastada entras in terratrembel Bild in Lightbox öffnen.

Legenda da maletgs: Il terratrembel a Nepal, il matg 2015, ha chaschunà grondas devastaziuns. La chadaina da fortuna ha rimnà passa 31 mi... Keystone

Da l'agid d'urgenza han tranter auter profità 11'000 persunas cun survegnir agid medicinal, 36'000 famiglias han survegnì chaussas dal mintgadi per avair il pli necessari. Quests exempels ha numnà Ladina Heimgartner en il discurs cun il moderatur da radio Tona Poltéra.

Dapi il terratrembel èn passads 100 dis e las lavurs da reconstrucziun cumenzan. I mancan dentant anc ils projects concrets da reconstrucziun. Tenor Heimgartner evalueschan ils spezialists il mument tge che fa da basegn.