En parada gronda e pass da marsch èn defilads millis schuldads sin la plazza da Kim-Il-Sung en la chapitala Pjöngjang. Quai mussa la televisiun statala live. La parada cumpeglia plinavant in entir arsenal da vehichels cun charrs armads e camiuns militars.
Il schef da stadi da la Corea dal Nord, Kim Jong-Un, ha ditg che ses pajais saja pront da far frunt a mintga smanatscha dals Stadis Unids da l'America; quai en ses pled festiv.
Avant aveva quai dà speculaziuns che la Corea dal nord vegnia a sajettar ina rachetta cun in satellit en l’orbit. Sco las agenturas da novitads scrivan na dettia quai dentant betg indizis concrets.
RR novitads 12:00