Exteriur - 700’000 visitaders per «stiva d'aua da l'Europa»
A l'Expo Milano han ils 4 chantuns dal Gottard, Grischun, Uri, Tessin e Vallais mess la paisa sin la forza da l'aua. E quai cun success: 700’000 persunas han visità l’exposiziun.
Ils 4 chantuns sajan sa preschentads cun success sco «stiva d'aua da l'Europa», communitgeschan ils responsabels. L'attracziun principala è stada la miniatura dal Gottard da 6 meters lunghezza e 3 meters ladezza. Questa «stiva d'aua» ha gudagnà in premi en la categoria «Meglier exponat».
