Siglir tar il cuntegn

Header

Purtret d'in um che passa dasper ina tavla da commemoraziun ora. Davostier sin la paraid stat scrit: «Den Opfern der nationalsozialistischen Gewaltherrschaft».
Legenda: Keystone
cuntegn

75 onns Commemoraziun a liberaziun dals champs da concentraziun

Cun in servetsch divin cristian-gidieu è vegnì commemorà a Berlin a la liberaziun dals champs da concentraziun Sachsenhausen e Ravenbrück entras l'armada cotschna, avant 75 onns.

Il salvament la primavaira dal 1945 saja stada per bleras persunas memia tard e restà in siemi, hai gì num davart la baselgia evangelica Berlin-Brandenburg. Il primminister da Niedersachsen, Stephan Weil ha pretendì in agir consequent cunter antisemitissem, rassissem e suppressiun.

Las festas commemorativas a Sachsenhausen e Ravenbrück èn vegnidas spustadas sin l'onn proxim.

Deliberaziun l'avrigl 1945

Il champ da concentraziun Bergen-Belsen è vegnì deliberà ils 15 d'avrigl 1945 da schuldats britannics. En il champ han ins chattà enturn 10'000 morts. Il purtrets èn ids enturn il mund. Tar ils arrestads ch'èn vegnids per la vita là tutga er Anne Frank ch'è vegnida enconuschenta entras ses diaris.

En il champ da concentraziun Sachsenhausen han ils schuldads sovietics deliberà ils 22 d'avrigl 1945 radund 3'000 persunas. Avant aveva la SS tramess passa 30'000 praschuniers sin in marsch da mort, passa 1'000 èn vegnids per la vita. En il champ da Ravesbrück ha l'armada cotschna spendrà ils 30 d'avrigl radund 2'000 persunas. Là aveva la SS tramess passa 20'000 arrestads sin in marsch da mort.

RTR novitads 17:00

Artitgels legids il pli savens

Ir a sanester Ir a dretg