Passa 2'700 sgols èn vegnids stritgads. Pliras scolas ed universitads restan serradas. Enturn 200 milliuns persunas èn pertutgadas. Il center da l'unda da fradaglia è la metropola da Chicago en il Midwest dals Stadis Unids.
Il burgamester da Chicago ha numnà las temperaturas istoricas e ch'ellas sajan in privel per la vita. Uschia stoppian ins era agir lasuenter. Abitants sa protegian entant cun mascras da skis sch'els ston bandunar lur chasas. Per las passa 16'000 persunas senza tetg ha la citad installà stivas chaudas. A Michigan èn tut ils biros d'autoritads che n'èn betg essenzialas serrads fin venderdi. Er scolas restan serradas.
RR novitads 12:00