Siglir tar il cuntegn
Inhalt

Exteriur 84 milliuns francs per fundaziun da paraplegichers

L'onn passà ha la Fundaziun svizra per paraplegichers survegnì en tut 84 milliuns francs da commembers e donaturs.

In mecanist da sutgas cun rodas en il center da la Fundaziun svizra per paraplegichers a Nottwil.
Legenda: In mecanist da sutgas cun rodas en il center da la Fundaziun svizra per paraplegichers a Nottwil. Keystone

Da quai han persunas paraplegicas survegnì total 22 milliuns francs, communitgescha la fundaziun. Commembers novs sa disgraziads ha la fundaziun sustegnì l'onn passà cun 4,7 milliuns francs. Tenor la Fundaziun svizra da paraplegichers è l'onn passà la cumpart da pazients cun tetraplegia s'augmentà fitg ferm.

La solidaritad cun la fundaziun saja vinavant auta. Il dumber da commembers annuals è creschì per 1,3%, quel da commembers per vita duranta schizunt per 8,6%. A partir dal 2018 ha la fundaziun er auzà l'agid per commembers novs sa disgraziads da 200'000 sin 250'000 francs. La suprastanza ha argumentà questa adattaziun cun ils custs che sajan s'augmentads fermamain dapi l'ultima adattaziun il 2008.

RR novitads 11:00