Exteriur - 9 persunas arrestadas suenter act da terrur en la Tunesia
Suenter l'attatga da terrur la mesemna en il museum naziunal a Tunis, la citad principala da la Tunesian, èn 9 persunas vegnidas arrestadas. 4 da quellas persunas stattan, tenor la regenza da la Tunesia, directamain en connex cun l'attentat.
Tar las ulteriuras 5 persunas vegn supponì ch'ellas hajan in connex cun la cella dals terrorists, uschia la decleraziun presidiala a Tunis. Tar quest attentat èn 25 persunas vegnidas per la vita, quai annunzia il ministeri da sanadad da la Tunesia.
L’attentat a Tunis è stà il pli grond act da terrur en la Tunesia dapi passa quatter onns. La Tunesia è il sulet stadi arab ch’ha dumagnà la via en la democrazia. Ussa duai schuldada procurà per segirtad en l’entir pajais.
