92 morts pervi da chaliras en l’Egipta

En l'Egipta è il dumber da las unfrendas pervi da la grev'unda da chalira entant creschì sin 92. Plinavant hajan tschients da persunas, surtut pli veglias, stuì vegnir tractadas ils ultims dis en l'ospital, communitgescha il ministeri da sanadad egipzian.

um vegl vegn tegnì da dus giuvens Bild in Lightbox öffnen.

Legenda da maletgs: Archiv: Oravant tut glieud pli veglia patescha da las chaliras. Keystone

En il sid dal pajais èn las temperaturas creschidas sin fin 46 grads. Il servetsch meteorologic statal discurra da la pli grev'unda da chalira dapi bunamain 40 onns. Fin la fin dal mais duain las temperaturas sa reducir.

RR novitads 18:00