Exteriur - A l’attentader da Boston smanatscha la paina da mort
Dus onns suenter l’attentat sin il maraton da Boston en ils Stadis Unids da l’America ha in dretgira da giuraders declerà culpaivel Dzhokhar Tsarnaev en tut ils 30 puncts.
Uss smanatscha a l’um da 21 onns la paina da mort perquai che gist 17 dals 30 puncts pon vegnir sancziunads cun la paina da mort. Plirs survivents e confamigliars da las unfrendas han persequità la sentenzia.
La proxima fasa dal process decida alura la mesira penala definitiva. La decisiun vegn spetgada en intginas emnas.
