Il messadi dal Papa e la benedicziun «Urbi et Orbi» (‘A la citad ed al mund’) èn il punct culminant dal Nadal cristian. «Bellas festas da Nadal a Vus tuts», ha giavischà Francestg sut in tschiel d’enviern blau. Adina puspè hai dà undas d’applaus sin la plazza da s. Peder.
En il center da sia benedicziun ha il parsura da la Baselgia catolica è stada la populaziun da la Siria che patescha. Ma er da las unfrendas d’attatgas terroristicas sin l’entir mund ha il Papa commemorà.
Admoniziun a la pasch mundiala
«Pasch a tut ils umens e las dunnas en la Siria marterisada, nua ch'i vegn spundì bler memia bler sang» ha il Papa ditg da la loggia dal dom da s. Peder a Roma. La citad Aleppo saja durant las emnas passadas stada in lieu d’ina da las «pli crudaivlas battaglias». A la populaziun spussada stoppia vegnir dà agid, ha pretendì Francestg.
«Pasch a quels che han pers in uman charezzà entras acts da terror crudaivels ch'han semnà en ils cors da blers pajais e citads tema e mort.» En differentas regiuns da l’Africa maldovria il terrorissem schizunt uffants. Era ha il Papa regurdà dals stgatschads, da migrants e da fugitivs.
Gia l’onn passà aveva Francestg appellà a la pasch en il Proxim Orient.
RR novitads 14:00
