Siglir tar il cuntegn

Header

cuntegn

A partir dal settember Frantscha introducescha obligatori da mascras al plaz da lavur

En la Frantscha duai valair in obligatori da mascras en las fatschentas. Dapertut nua che collavuraturas e collavuraturs pon s'inscuntrar vegnia la mascra da protecziun obligatorica.

Betg sa tegnair vi da questa regla ston biros singuls, ha communitgà il ministeri da lavur. Pertutgà da la nova regla èn uschia stanzas da conferenza, sulers, gardarobas u biros communabels. I giaja per bler en vista al dumber d'infecziuns creschent, ha ditg la ministra da lavur.

L'emna passada è il dumber d'infecziuns da corona puspè creschì en Frantscha. Igl haja er dà plirs hotspots da corona en spezial en interpresas. Las citads grondas da Paris e Marseille han gia introducì in obligatori da mascras en ils quartiers ils pli vivs. En Frantscha ha la pandemia chaschunà gia passa 30'000 mortoris.

RTR novitads 17:00

Artitgels legids il pli savens

Scrollar a sanestra Scrollar a dretga