L'Italia reagescha sin pli autas cifras d'infecziuns – ed augmenta las mesiras da corona: Davent dals 6 d'avust valan restricziuns per la glieud che vul ir endadens las ustrias, en museums, en studios da fitness ed en bogns. Quellas dovrian in mussament simpel d'esser vaccinà, in test negativ u ina cumprova d'esser serevegnì da corona, han communitgà las autoritads talianas. Per in svelt espresso a la bar valan dentant excepziuns.
En il pajais è il dumber d'infecziuns novas da corona puspè cerschì l'ultim temp. La gievgia han las autoritads da sanadad registrà per l'Italia 5'057 novas infecziuns da Covid-19 aifer in di. Pli che 53% da las Talianas e dals Talians sur 12 onns èn fin uss vaccinads cumplainamain. Cun las novas mesiras spera la regenza taliana ch'anc dapli glieud sa lascha vaccinar e da pudair franar l'augment d'infecziuns novas.
Ord l'archiv da la Tagesschau: