Siglir tar il cuntegn
Inhalt

Exteriur A Tel Aviv è vegnì demonstrà cunter l'expulsiun da fugitivs

En l'Israel èn var 20’000 persunas idas sin via per demonstrar cunter l’expulsiun da migrants africans. Als protests a Tel Aviv hajan prendì part Israelians sco era Africans pertutgads, han rapportà medias localas.

Demonstrants.
Legenda: D'expulsar 40'000 fugitivs n'èn els betg encletgs. Keystone

La regenza israeliana ha annunzià d'expulsar fin 40'000 fugitivs da l'Etritrea e dal Sudan en terzs pajais africans. Quai ha gì consequenzas: La sonda saira han var 20'000 persunas, Israelians sco er persunas pertutgadas, protestà.

Ils demonstrants han purtà tavlettas cun «nus essan tuts umans» u «na tar la deportaziun». Gi lieu ha il protest en ina part pli paupra da Tel Aviv, nua che blers fugitivs vivan. Fin uss aveva en quel quartier dà plitost dà protests cunter ils fugitivs da africans.

Enfin il mars han ils fugitivs temp

La regenza dat temp als fugitivs fin la fin mars da bandunar l'Israel voluntariamain ed offrescha 3'200 francs sch'els van suenter a quai. Sch'els sa tegnan betg vid las pretensiuns ston els quintar cun in chasti en praschun.

RR novitads 14:00