A Toronto en il Canada èn dus aviuns collidads il venderdi sin la plazza aviatica internaziunala. La part davos d’in dals aviuns ha piglià fieu. Blessads n’haja dentant dà nagins.
Nagins blessads
Ina Boeing 737 ch'è sa fermada cun 168 passagiers e sis commembers da l'equipa è venderdi curt suenter ses atterrament vegnì evacuà. Quai suenter ch'els èn colliads cun in auter aviun ch'è vegnì remortgà. Blessads n'hai dà nagins. La Boeing è arrivada dal lieu da vacanzas Cancun (Mexico). Ils passagiers èn vegnids evacuads sur glischneras. Las squadras da salvament sajan stadas spert al lieu d'accident. In video ch'è vegnì fatg curt suenter la collisiun mussa, ch'ina part da l'aviun Sunwing ha brischà.
Daco ch’ils dus aviuns èn collidads, n’è anc betg cler. I sa tracta gia dal segund incident sumegliant sin questa plazza aviatica entaifer paucs mais.
RR novitads 06:00