Siglir tar il cuntegn

Exteriur A Trump smanatscha ina schleppa

L’introducziun da la prevenziun da sanadad «Obamacare» vala sco il merit dal anteriur president american Barack Obama. Ses successur Doland Trump ha gia en ses cumbat electoral annunzià da vulair abolir immediat «Obamacare». Ma uss para quai da dar in debachel per Trump.

Per bleras persunas en ils Stadis Unids è «Obamacare» d'impurtanza existenziala.
Legenda: Per bleras persunas en ils Stadis Unids è «Obamacare» d'impurtanza existenziala. Keystone

Las maioritads en il senat dals Stadis Unids èn stretgas. En la chombra parlamentara sesan 52 republicans e 48 democrats. Cunquai che las retschas dals democrats èn serradas en la dumonda da «Obamacare» pon sulet dus represchentants dals republicans gia far la differenza.

Dus republicans sustegnan en mintga cas «Obamacare»

Gia dapi in temp èsi enconuschent che dus deputads dals republicans na vegnan betg a sustegnair d’abolir la prevenziun da sanadad obligatorica «Obamacare». Ulteriurs republicans n’han il mument anc betg decis. Uschia smanatscha a Trump ina schleppa penibla. Gia avant la stad eran vegnidas refusadas pliras emprovas da schliar «Obamacare».

RR novitads 06:00