Siglir tar il cuntegn

Header

cuntegn

Exteriur ABB investescha 150 milliuns a Shanghai

Il concern da tecnologia ABB investescha radund 150 milliuns dollars per bajegiar ina fabrica da roboters a Shanghai. La nova fabrica duai ir en funcziun la fin dal 2020.

L’investiziun saja in nov crap da miglia per la ABB, communitgescha il concern da tecnologia. En la «fabrica dal futur» duajan roboters producir roboters, ed ABB vul rinforzar là perscrutaziun ed innovaziun en il sectur da l'intelligenza artifiziala. La fabrica duai vegnir bajegiada gist dasper il center per robotica e duai tenor communitgà esser la fabrica la pli sofisticada, persistenta ed ecologica da l'avegnir.

Plinavant ha l'ABB suttascrit in contract da collavuraziun cun la citad chinaisa.

L'ABB vegnia a sustegnair Shanghai tar il svilup da l’industria, dal traffic, da l'energia e da l’infrastructura. La cunvegna han suttascrit il burgamester da Shanghai Ying Yong ed il ceo da la ABB Ulrich Spiesshofer.

RR novitads 12:00

Die neue Fabrik soll Ende 2020 den Betrieb aufnehmen. Die Investition markiere einen wichtigen Meilenstein für ABB, so die Mitteilung. Die «Fabrik der Zukunft» werde in der Nähe des bereits bestehenden Robotik-Campus gebaut. Roboter sollen dort andere Roboter herstellen. Weiter gab ABB eine Kooperationsvereinbarung mit Schanghai bekannt.

Artitgels legids il pli savens