Siglir tar il cuntegn
Inhalt

Exteriur Abitants dastgan returnar

En il Giapun dastgan abitants ch'avevan stuì bandunar lur dachasa pervi da la catastrofa atomara da Fukushima avant 4 onns puspè turnar enavos.

ina dunna giapunaisa
Legenda: Return a chasa... Keystone

Naraha ha sco emprima vischnanca insumma abolì il cumond d'evacuaziun. Suenter onns da decontaminaziun saja il territori puspè segir, uschia las autoritads.

Il return a Naraha vala sco project da pilot per ulteriuras regiuns en la vischinanza da Fukushima. Fin il mars 2017 vul la regenza giapunaisa numnadamain abolir ina retscha da tals cumonds d'evacuaziun.

I vegn spetgà che be 10% dals abitants returnian en lur vischnanca che dumbrava ina giada 7’300 abitants. Blers temian la contaminaziun radioactiva. Plinavant hajan blers giuvens chattà lavur en lieus lunsch davent. Il futur da Naraha è uschia fitg intschert.

Activists sa lamentan che bleras regiuns hajan anc adina memia autas valurs da radioactivitad e na sajan betg abitablas.

RR novitads 12:00