Siglir tar il cuntegn

Header

Navigaziun

George Pell.
Legenda: Pervi dad abus sexual da minorens è il cardinal George Pell vegnì sentenzià. Keystone
cuntegn

Exteriur Abus sexual: cardinal australian condemnà a 6 onns praschun

L'anteriur schef da finanzas dal Vatican, George Pell, è vegnì condemnà en l'Australia pervi d'abus sexual da minorens.

L’anteriur schef da finanzas dal Vatican e stretg cussegliader dal papa, il cardinal George Pell sto ir per sis onns en praschun. Ina dretgira a Melbourne ha condemnà el pervi dad abus sexual da dus mats da 13 onns. Cun quai resta la dretgira marcant sut il chasti maximal pussaivel da 50 onns. Reducì il chasti ha la dretgira tranter auter pervi da la vegliadetgna dal cardinal, ses stadi da sanadad e sias prestaziuns durant la vita.

Ina dretgira da giuraders aveva gia declerà il december da l'onn passà culpabel il cardinal. Pell refusa las renfatschas ed ha appellà cunter la sentenzia.

RR novitads 06:00