Siglir tar il cuntegn

Header

cuntegn

Exteriur Abus sexuals a Pennsylvania tras spirituals catolics

En il stadi american Pennsylvania èn ils ultims 70 onns almain 1’000 uffants vegnids malduvrads sexualmain da spirituals catolics. Quai han las autoritads da giustia communitgà e sa basan sin in rapport d'inquisiziun.

Probablamain saja il dumber d'uffants pertutgads anc pli aut cunquai che bleras unfrendas na sajan betg s'annunziadas, ha communitgà il responsabel procuratur general Josh Shapiro.

Ils cas d'abus van enavos fin l'onn 1947 ed ils cas sajan sistematicamain vegnids zuppentads. En tut sajan vegnids intercurids in mez milliun documents interns da la baselgia, e pliras perditgas sajan vegnidas interrogadas. Ils blers abus èn tenor las autoritads surannads, sulet dus spirituals hajan commess delicts ils ultims diesch onns.

RR novitads 08:00

Artitgels legids il pli savens