Siglir tar il cuntegn
Inhalt

Exteriur Academichers tircs na dastgan betg bandunar il pajais

L'administraziun da scolas autas tircas ha ordinà per entant in scumond dad ir or dal pajais per academichers. L'emettur uffizial TRT n'ha betg dà enconuschent detagls davart l'ordinaziun. Ier aveva l'administraziun ordinà la demissiun da prest 1600 manaders d'universitads.

Il mument na pon academichers tircs betg sgular en l’exteriur.
Legenda: Il mument na pon academichers tircs betg sgular en l’exteriur. Keystone

Dapi l'emprova da putsch malgartegiada ha la regenza tirca arrestà u suspendì enturn 50’000 schuldads, policists, derschaders e magisters. Latiers ha l'uffizi per telecommunicaziun tirc bloccà oz l'access a WikiLeaks. La plattafurma da scuverta sur l'internet aveva publitgà ier quasi 300’000 e-mails da commembers da la partida regenta AKP.

RR novitads 12:00