Siglir tar il cuntegn

Header

Car cupitgà
Legenda: Il car è cupitgà suenter ina collisiun. Keystone
cuntegn

Exteriur Accident da bus: EDA conferma ch'er ina Svizra è blessada

Da l'accident en Catalugna èn mortas 13 studentas. Ina Svizra è er vegnida blessada.

En il nordost da la Spagna han 13 persunas giuvnas pers la vita tar in accident dad in autocar. 43 ulteriuras persunas sajan vegnidas blessadas. Sco las forzas da salvament localas rapportan, saja l'autocar collidà sin l'autostrada en la vischinanza da Tarragona cun in auter vehichel e cupitgà.

La raschun per l'accident è probabel in sbagl uman. Il manischunz ha survivì la disgrazia. In test d'alcohol e drogas n'ha purtà nagin resultat.

Er ina Svizra blessada

Il Departament federal per affars da l'exteriur EDA ha confermà che tranter las persunas blessadas è er ina Svizra.

A bord da l'autocar eran 57 students dad in program da barat. Els eran sia via a chasa suenter avair visità ina festa populara a Valencia. Quai rapporta l'agentura da novitads Efe.

RR novitads 12:00 / 20:00

sda/um

Artitgels legì il pli savens

Nach links scrollen Nach rechts scrollen