Siglir tar il cuntegn

Exteriur Accident da helicopter a New York

Tar ina disgrazia da helicopter èn tschintg persunas mortas la dumengia saira a New York.

L'East River en ils stgir e duas barcas che tschertgan.
Legenda: La dumengia saira è crudà giu in helicopter en l'East River a New York. Keystone

A New York è crudà giu in helicopter la dumengia saira vers las 19:00 cun sis persunas a bord. Tut ils tschintg passagiers sajan morts tar l'accident. Il pilot haja pudì sa deliberar a temp ed ha uschia survivì la crudada. Quai han communitgà las autoritads da la citad.

L’helicopter saja crudà tranter ils districts da Manhattan e Queens en l'East River. Tenor indicaziuns da la surveglianza da sgols hajan ils tschintg passagiers reservà il sgol per far fotografias privatas. La raschun per l’accident n’è anc betg enconuschenta.

RR novitads 06:00