Tar in accident da tren en l’Austria èn vegnidas blessadas pliras persunas.
Almain trais persunas sajan grevamain blessadas, 27 ulteriuras persunas sajan blessadas levamain. Tranter ils lev-blessads sajan uffants e giuvenils. Quai rapporta la Crusch cotschna.
Dus vaguns èn cupitgads, cura ch’il tren regiunal è ì sur il binari ora var 70 km davent da Vienna. Passa 10 ambulanzas e trais helicopters èn stads en acziun.
RR novitads 12:00