Suenter ch'in aviun militar da la staffetta taliana è ier crudà giu a Turin, resta l'eroport oz serrà. Plirs sgols vegnan sviads sin auters eroports en il nord da l'Italia. Ier è l'aviun militar curt suenter il start d'in sgol da test crudà. Il pilot ha pudì sa salvar cun il sez catapultabel ed e suenter vegnì transportà en l'ospital.
Dentant è ina part che brischava sa distatgada da l'aviun ed ha tutgà in auto. En quest auto sa chattava ina famiglia. Ina mattatscha da 5 onns è morta tras l'incendi. Ses frar sco er sia mamma e ses bab èn cun arsentadas vegnids transportads a l'ospital.