Siglir tar il cuntegn

Exteriur Acziunaris da VW sustegnan la direcziun

Malgrà il scandal da svapur e las inquisiziuns actualas han ils acziunaris dal concern da VW exprimì lur confidenza envers la direcziun ed il cussegl da surveglianza.

La direcziun da Volkswagen.
Legenda: La direcziun dal concern da Volkswagen, Hans Dieter Pötsch (sanester), l'anteriur schef da la direcziun Martin Winterkorn (entamez) e il CEO da Porsche Wolfgang Porsche (dretg). Keystone

A la radunanza generala dal concern da Volkswagen VW han ils acziunaris sustegnì tant il schef dal cussegl da surveglianza en uffizi Hans Dieter Pötsch sco er l'anteriur schef da la direcziun Martin Winterkorn. Il sustegn e la finala curda ora fitg ferm quai cun passa 97% da las vuschs.

Discussiun da 13 uras

Avant la decisiun ha quai però dà ina debatta da dapli che 13 uras. Surtut il scandal da svapur e sias consequenzas han dà bler da discutar. Ils acziunaris pitschens han era pretendi chil schef dal cussegl da surveglianza Pötsch stoppia sa retrair. Ils acziunaris gronds han dentant mussà la confidenza a Pötsch uschia che las proposts dals acziunaris pitschens n’ha betg giu propi ina schanza. Era da discutar ha quai dà pervi da pajaments da bonus a la direcziun.

RR novitads 06:00