Exteriur - Adina dapli autos en l'UE: 1,7 milliuns immatriculaziuns novas
Il mars èn 1,7 milliuns autos vegnids immatriculads – in plus da 6% cumpareglia cun l'onn avant. Quai ha communitgà l’associaziun dals produciders ACEA.
La raschun sajan trauter ils bass pretschs da benzin ed il bass tschains. Il concern tudestg Volkswagen senta vinavant las consequenzas dal scandal da svapur: VW ha mo vendì 378'000 autos. Quai è in plus da 2,6%. Profità da quai ha cunzunt Fiat: il concern talian ha vendì cun 85'000 autos passa 14% dapli ch’anc avant in onn.
