Bun duas terzas dals migrants vivan en 20 pajais. Il pajais ch’attira ils blers migrants èn ils Stadis Unids, suandà da la Germania, la Russia, l’Arabia Saudita e la Gronda Britannia.
Tema ed odi pervi da crisa da fugitivs
Sco l’ONU scriva, prendan migrants dimora adina pli dalunsch da lur pajais. I na saja betg pussibel da diriger ils moviments migratorics da surengiu, quels fetschian part al mund globalisà dad oz, scriva l’ONU.
Tenor las Naziuns Unidas èsi necessari da segirar la politica da fugitivs, cunzunt en ils pajais ch'èn directamain pertugads. La crisa da fugitivs haja derasà tema tranter ils burgais da l'Europa e sveglià l'odi. I dovria plinavant agid humanitar per gidar pajais sco per exempel il Libanon, la Jordania e la Tirchia.
RR novitads 06:00