Las persunas èn infectadas cun bacterias cunter las qualas ch'i na dat nagina antibiotica effectiva. Il dumber da mortoris s'augmenta cuntinuadamain. Dapi l'onn 2007 saja il dumber bunamain sa dublegià. Quai rapporta ina gruppa da perscrutaders internaziunala.
Grondas differenzas geograficas
Tranter ils singuls pajais dettia per part differenzas marcantas. Uschia dettia ils blers mortoris en l'Italia, ils pli paucs en l'Islanda. Cas en Svizra n'ha il studi però betg resguardà.
Scherms resistents cunzunt en l'ospital
Trais quarts da las malsognas cun scherms resistents a l'antibiotica dettia en ospitals ed ulteriurs indrizs da sanadad, scrivan ils perscrutaders. Per meglierar la situaziun proponan els stentas communablas e da dar antibiotica mo cura ch'igl è vairamain necessari.
RR novitads 14:00
