Siglir tar il cuntegn
Inhalt

Exteriur Adina dapli squitsch sin la burgamestra da Roma

A Roma han millis persunas demonstrà cunter la decadenza da la citad. Ellas crititgeschan che las relaziuns sajan caoticas pertutgant il rument, las vias ed il traffic public. Tranter auter vegn pretendì la demissiun da la burgamestra Virginia Raggi.

Virginia raggi
Legenda: La burgamestra da Roma Virginia Raggi senta adina dapli squitsch. Keystone

Roma saja vidlonder dad ir en ruina, moneschan ils demonstrants sin via sin la collina dal Capitol tar la sedia da la burgamestra Virginia Raggi. Tranter ils demonstrants èn era tals che pretendan la demissiun da Raggi. Ella n’haja betg sut controlla ils problems da la citad da 3 milliuns abitants, din ils demonstrants. Raggi è en uffizi dapi il zercladur.

Squitsch sin burgamestra Raggi crescha

Organisà las protestas cun il motto «Roma dice basta» han 6 persunas per trair l'attenziun sin ils problems da la capitala da l'Italia. Sco ultim cas è stà il sistem da transport talian en il focus da la critica. Lura era ina stgala rullanta crudada en ina staziun sutterrana. Plirs tozzels da persunas eran vegnidas blessadas.

Raggi è era sut squitsch essend avant tribunal. Ad ella vegn renfatschà d'avair ditg manzegnas. La sentenzia vegn spetgada fin ils 10 da november.

RR novitads 15:00