En allusiun a la dispita tranter las partidas CSU e CDU ha Weidel er ditg che Merkel demonteschia ses minister da l'intern (Horst Seehofer / red.) perquai che lez haja smanatschà d'applitgar la lescha vertenta.
Faschai ina fin a questa tragedia ed as retirai.
Merkel sa giustifitgescha
Schebain l'Europa haja ina cuntinuitad, dependia dal fatg co i vegnia ì enturn cun il tema migraziun, ha ditg la chanceliera tudestga Angela Merkel. I dovria respostas realisticas, solidaricas e giurdicamain supportablas.
Tar l'inscunter suprem da l'UE l'emna passada sajan ins sa cunvegnì, ch'il tractament dals migrants na saja betg ina dumonda per singuls pajais, mabain in'obligaziun che pertutgia tuts. En vista al rinforzament da l'agentura per la protecziun dals cunfins Frontex ha Merkel empermess che la Germania vegnia a pajar sia contribuziun.
RR novitads 10:00